呢期香港好興丼飯。
周圍都係，鬥高鬥厚，
一個海膽丼飯成兩舊幾三舊水，
多就夠多啦，
但量足唔代表質優，
家吓黑社會曬馬咩，
海膽吹雞呀？
剩係令人諗起濫竽充數呢四個字囉，
都莫講話啲海膽仲係一陣味……
講到日本真正爆丼海膽飯，
廢話少講，四個字。
築地鮨國。
百幾蚊咋喎，量多質優，
啲海膽鮮得嚟冇果陣味，
凝脂一樣咁滑喉，
食成碗都唔覺得漏，
唯一唔好處係每次凌晨機一落機即撲過去，
七點幾就到築地，
但呢間鮨國10點半先開，
又眼瞓又肚餓又要搵地方hea到夠鐘，
好幾次個信念揸唔夠緊，
一係等唔到早走，一係食咗其他嘢，
好彩終於有次把心一橫等足幾粒鐘，
食到果吓，
你堅係覺得等咁耐吽咁耐係值得嘅……
#又係食完返唔到轉頭系列 #我愛海膽海膽愛我 #不負責任食評
Search